बझाङ, ५ असार : धनगढीबाट बझाङ जाने क्रममा गाडी दुर्घटनामा परी घाईते भएका सुदूर पश्चिमका कानुन मन्त्री पृथ्वी बहादुर सिंह सहित पाँच जनाको अवस्था गम्भीर रहेको छ ।
मन्त्री सहित पाँच जना सवार गाडी आज दिउसो करीव अढाई बजे बझाङको केदारस्यूँ गाँउपालिका–१ को देउरामा दुर्घटनामा भएको थियो । गाडीमा मन्त्री सिंह र उनकी पत्नी सहित पाँच जना सवार थिए । गाडी सडकबाट तल खसेर क्षतिग्रस्त भएका कारण मन्त्री सिंह सहित पाँचै जना गम्भीर रुपमा घाईते भएका हुन् ।
प्रहरीका अनुसार घाईते पाँचै जनाको अवस्था गम्भीर छ । घाईतेहरुको देउरास्थित पोलिक्लिनिकमा उपचार भईरहेको छ । मन्त्री सिंह सहित पाँचै जनालाई उपचारका लागि बाहिर लैजान हेलिकोप्टर मगाईएको प्रहरीले जनाएको छ ।
