पाँचथरको तीन पालिकाका सामुदायिक विद्यालयमा बिदा

पाँचथर । पाँचथरको तीन वटा पालिकाका सामुदायिक विद्यालयमा २ दिनकालागि बिदा दिइएको छ ।

फिदिम नगरपालिका, फालेलुङ गाउँपालिका र हिलिहाङ गाउँपालिकाका सामुदायिक विद्यालयमा बाढी तथा पहिरोको जोखिम रहेको र विद्यार्थीहरू विद्यालयसम्म पुग्न कठिनाइ भएकोले दुई दिन विद्यालय बन्द गरिएको हो ।

फिदिम नगरपालिका शिक्षा शाखा अधिकृत निर्मला दाहालका अनुसार  शनिवार रातिदेखिको निरन्तर वर्षाले यी तीन पालिकामा बाढी तथा पहिरोकाे जाेखिम बढेकाे हुँदा बर्खे बिदाबाट कटान हुने गरी दुई दिन विद्यालयमा बिदा दिइएको हो ।