काठमाडौं । नेपाल कम्युनिष्ट पार्टी (एकिकृत समाजवादी)की नेतृ राम कुमारी झाँक्रीले बेपत्ता तथा घाइते भनेर कथा रचेर गणतन्त्रले के दियो भन्ने गुनासो गरी रहँदा जनयुद्धको उपलब्धी माथि विष छरिने बताएकी छन् ।
आईतबार काठमाण्डौमा बेपत्ता योद्धा परिवार समाज र नेपाल विपिन भण्डारी फाउण्डेसनको आयोजनामा बेपत्ता पारिएका नागरिकको सार्वजनिकरण र शान्ति सम्झौता विषयक अन्तरक्रिया कार्यक्रममा बोल्दै झाँक्रीले घाइते तथा बेपत्ताका परिवारजनले पनि गुनासो मात्रै गर्न नहुने बताएकी हुन ।
आजको रूपान्तरण आजको यो प्राप्ति त्यो सङ्घर्ष बिना सम्भव थियो र ? भनी प्रस्न गर्दै बेपत्ता तथा घाइतेहरुले कहानी बनाउँदै गणतन्त्रले दिएको उपलब्धिको गलत व्याख्या भइरहेको उनले बताइन् । आज देशले प्राप्त गरेको सबै परिवर्तनको श्रेय तिनै सहिद , बेपत्ता , घाइतेहरुको योगदान रहेको सम्बोधनका क्रममा नेतृ झाँक्रीले बताइन ।
जनयुद्धले , लोकतन्त्रले केही दिएन भन्नेहरूले आजको समावेशिता, समानुपातिकता,प्रेस स्वतन्त्रता लगायतका परिवर्तनहरुलाई बुझ्नु पर्ने आबश्यक भएको बताउँदै सडकमा बसेर अरूलाई गाली गर्ने र हप्ता असुली गर्नेलाई वैकल्पिक लिडर मान्न नसकिने उनको भनाइ छ ।
उक्त अन्तर्क्रिया कार्यक्रममा विभिन्न सरोकारवालाहरुको सहभागिता रहेको थियो ।
