चितवन । नेपाल पत्रकार महा संघको सदस्यता शुद्धीकरण अभियानलाई न्यायपुर्ण र पुर्वाग्रहरहित बनाउन जनपत्रकार संगठन नेपालले सम्बन्धित निकायसंग छलफल गर्ने निर्णय गरेको छ। सङ्गठनको केन्द्रिय सचिवालयको आज सम्पन्न बैठकले सदस्यता नविकरण र नयाँ सदस्य बितरण प्रक्रियामा विभिन्न समस्या र गुनासाहरु प्राप्त हुन थालेपछि महासंघसङ्ग छलफल गरि समस्या समाधान गर्न आबश्यक पहल गर्ने निर्णय गरिएको हो ।
चितवनको भतपुरमा जनपत्रकार संगठन नेपालका अध्यक्ष शेरबहादुर बिश्वकर्माको अध्यक्षतामा भएको सचिवालय बैठकले नेपाल पत्रकार महासंघले सदस्यता शुद्धीकरणबारे लिएको निर्णय र त्यसको कार्यान्वयन सम्बन्धि अभियानलाई सकारात्मक रुपमा लिने र सहयोग गर्ने तर सदस्यता नविकरण र नयाँ सदस्यता सिफारिसमा कतिपय जिल्ला शाखा र प्रदेश समितिहरुमा राजनीतिक आग्रह र पुर्वाग्रहका आधारमा काम भएको गुनासो सम्बन्धमा न्यायपुर्ण व्यबहार गरिनुपर्ने सङगठनको धारणा रहेको बताईएको छ ।
त्यस्तै बैठकले प्रेस तथा अभिव्यक्ति स्वतन्त्रताको पक्षमा सरोकारवालाहरु संग प्रदेश स्तरमा अन्तर्कृया गर्ने,श्रमजीवी पत्रकारहरुको पारिश्रमिक,समानुपातिक बिज्ञापन प्रणालीको कार्यान्वयन र महासंघलाई पेशागत र अनुशासित बनाउन दबावमुलक अभियान सञ्चालन गर्ने निर्णय समेत गरेको छ ।
