महेन्द्रनगर : जिल्ला प्रहरी कार्यालय कञ्चनपुरले लागुऔषधसहित दुईजनालाई पक्राउ गरेको छ । प्रहरी कार्यालयबाट सादा पोसाकमा खटिएको टोलीले उनीहरुलाई पक्राउ गरको हो ।
जिल्लाको भीमदत्त नगरपालिका–४ बस्ने बर्ष २९ को लोकेन्द्र राना मगर र सोही वडा बस्ने २० वर्षीय पारस बादीलाई लागुऔषधसहित पक्राउ गरेको हो ।
मगरको ससाथबाट रेक्सोजेसिक एक सय ३४ एम्पुल, डाइजाफाम आठ एम्पुल, फेनार्गन एक सय ३४ एम्पुल वरामद भएको प्रहरीले जनाएको छ । मगरनजिकै उभिरहेका बादीबाट प्रहरीले फेनार्गन २४ एम्पुल र रेक्सोजेसिक २४ एम्पुल फेला पारेको प्रहरीले बताएको छ ।उनीहरुलाई नियन्त्रणमा लिई थप अनुसन्धान भईरहेको बताइएको छ ।
