काठमाडौं / नक्कली भुटानी शरणार्थी प्रकरणमा काठमाडौँ जिल्ला अदालतले पूर्वउपप्रधानमन्त्री टोपबहादुर रायमाझी, पूर्वगृहमन्त्री बालकृष्ण खाँण र पूर्वगृहसचिव टेकनारायण पाण्डेसहित २३ जनालाई दोषी ठहर गरेको छ। न्यायाधीश तेजबहादुर खड्काको इजलासले मंगलबार उक्त फैसला सुनाएको हो। अदालतले रायमाझी र पाण्डेलाई ठगी, संगठित अपराध र राज्यविरुद्धको कसुरमा दोषी देखाएको छ भने पूर्वगृहमन्त्री खाँणलाई मतियार ठहर गरेको छ।
यस प्रकरणमा सरकारी वकिलले ३० जनाविरुद्ध २८ करोड ८१ लाख रुपैयाँ ठगी, सरकारी कागजात कीर्ते र संगठित अपराधसहित पाँचवटा मुद्दा दायर गरेको थियो। प्रतिवादीहरूमध्ये प्रतीक थापा र सञ्जीव रायमाझीसहित ७ जनाले भने सफाइ पाएका छन्। दोषी ठहर भएकाहरूको सजाय निर्धारण अर्को सुनुवाइबाट हुने अदालतले जनाएको छ।
