काठमाडौँ । बालेन शाहलाई जिताउन चुनावी मैदानमा सक्रिय भूमिका खेलेका कलाकारहरू नै अहिले अभिव्यक्ति स्वतन्त्रताको रक्षाका लागि सडकमा उत्रिएका छन् । बुधबार माइतीघर मण्डलामा आयोजित प्रदर्शनमा अभिनेत्री स्वस्तिमा खड्का, निश्चल बस्नेत लगायतका चल्तीका स्टारहरूले ‘स्वतन्त्र कला’ को पक्षमा आवाज उठाएका हुन् ।
चलचित्र ‘लालीबजार’ को प्रदर्शनमा पाटन उच्च अदालतले रोक लगाएपछि आक्रोशित बनेका चलचित्रकर्मीहरूले ‘सिनेमा-साहित्य बोल्न देऊ’ जस्ता नारा लेखिएका प्लेकार्ड बोकेका थिए । कुनै समय प्रशासनिक परिवर्तनका लागि बालेनको पक्षमा माहोल बनाएका यी कलाकारहरूले अहिले राज्य र कानुनी प्रक्रियाबाट कलाको घाँटी निमोठ्न खोजिएको भन्दै माइतीघरमा उत्रिएर आफ्नो असन्तुष्टि पोखेका छन् ।
