नक्कली सुकुमवासीका कारण वास्तविक पीडित मारमा : नेपाल प्रहरी

नेपाल प्रहरीले सुकुमवासी व्यवस्थापन प्रक्रियामा अवरोध पुर्‍याउने ‘टाठाबाठा’ र नक्कली सुकुमवासीको पहिचान गर्न वास्तविक भूमिहीनहरूलाई आह्वान गरेको छ। शुक्रबार जारी सूचना अनुसार, केही स्वार्थी व्यक्तिले सुकुमवासीको नाममा अनुचित लाभ लिँदा वास्तविक पीडितहरू न्यायोचित आवास र अधिकारबाट वञ्चित भइरहेका छन्। प्रहरीले राज्यको यो कदम सुरक्षित र सम्मानजनक जीवनयापन सुनिश्चित गर्न चालिएको भन्दै सरकारी अभियानमा एकजुट भई सहयोग गर्न सबैमा आग्रह गरेको छ।