बलात्कारको आरोपपछि कलाकार सागर लम्साल (बले) चलचित्रबाट निष्कासित

कलाकार सागर लम्साल (बले) लाई ‘पाँच पाण्डव’ चलचित्रबाट निष्कासन गरिएको छ। अमेरिकामा रहेकी एक युवतीले सामाजिक सञ्जालमार्फत उनीमाथि एक वर्षअघि बलात्कार गरेको आरोप लगाएपछि निर्माण पक्ष कालीरानी फिल्मस्‌ले यो निर्णय लिएको हो।

नैतिकताका आधारमा उनलाई हटाइएको र खिचिसकिएको ९० प्रतिशत दृश्य समेत चलचित्रमा समावेश नगरिने निर्माण पक्षले जनाएको छ। फिल्म युनिटले घटनाको सत्यतथ्य जाँचबुझका लागि समेत माग गरेको छ।