गगनको संसदीय यात्रामा ब्रेक, अमरेश चौथो पटक विजयी

सर्लाही ४ मा रास्वपाका अमरेशकुमार सिंह ३५,६८८ मतसहित चौथो पटक निर्वाचित भएका छन्। उनले कांग्रेस सभापति गगन थापालाई १२,८५७ मतान्तरले पराजित गरे। २०६४ देखि अपराजित थापाको १८ वर्षे संसदीय यात्रामा यो पहिलो हार हो। काठमाडौँ ४ मा ह्याट्रिक जित पूरा गरी यसपटक मधेश झरेका थापा भावी प्रधानमन्त्रीको दाबेदार थिए। सिंहले भने यसअघि कांग्रेस र स्वतन्त्र उम्मेदवारका रूपमा सोही क्षेत्रबाट चुनाव जितेका थिए।