रास्वपा नेता डा. शंकर ढकालले दिए राजीनामा

काठमाडौं – राष्ट्रिय स्वतन्त्र पार्टी (रास्वपा) का संघीय नेतृत्व मञ्च तथा निर्वाचन सम्पादन समिति सदस्य इ. डा. शंकर ढकालले पदबाट राजीनामा दिएका छन्। फागुन १७ गते उपसभापति डोलप्रसाद अर्याललाई पठाएको पत्रमा उनले पार्टीभित्र बृहत सहभागिता, पारदर्शिता र उत्कृष्टताको सम्मानका लागि राजनीतिमा रूपान्तरण आवश्यक रहेको बताएका छन्। काभ्रेका डा. ढकालले भविष्यमा पनि सुशासन र सामाजिक न्यायको मुद्दामा सहकार्य गर्ने विश्वास व्यक्त गरेका छन्।