नेकपाका संयोजक पुष्पकमल दाहाल ‘प्रचण्ड’ ले एक कार्यक्रममा आफू चितवन निर्वाचन क्षेत्र नम्बर ३ मा केन्द्रित भएको भन्ने प्रचारप्रति कडा आपत्ति जनाउनुभएको छ।
निर्वाचन प्रक्रिया सुरु भएदेखि आफू त्यस क्षेत्रमा पाइला समेत नटेकेको स्पष्ट पार्दै उहाँले यस्तो भ्रम फैलाउनु आफू र उम्मेदवार रेनु दाहालमाथि अन्याय हुने बताउनुभयो।
प्रचण्डका अनुसार रेनुले विगत ९ वर्षमा चितवनमा गरेको विकास र कार्यसम्पादन नै उनको चुनावी प्रचारको मुख्य आधार हो। छोरीको राजनीतिक सफलतामा आफ्नो हस्तक्षेप नरहेको र उनले आफ्नै क्षमताले चर्चा कमाएको उहाँको दाबी छ।
