दार्चुलामा प्रहरी हवल्दारको हत्या, ४ जना नियन्त्रणमा

दार्चुला _ दार्चुलामा सामुदायिक प्रहरी हवल्दार योगेन्द्र घर्ती मंगलबार महाकाली नगरपालिका–४, बांगाबगडा स्थित होटलको पछाडि मृत फेला परे। प्रारम्भिक अनुसन्धान अनुसार उनलाई कुटेर हत्या गरिएको आशङ्का गरिएको छ। घटनामा संलग्नता आशङ्कामा ४ जनालाई नियन्त्रणमा लिइ सोधपुछ भइरहेको छ। सुदूरपश्चिम प्रदेश प्रहरी कार्यालयका डीआईजी ओम रानाले अनुसन्धान जारी रहेको जानकारी दिए।