काठमाडौं – मुस्ताङ थाक खेलकुद तथा सांस्कृतिक विकास संघले काठमाडौंको राष्ट्रिय नाचघरमा विविध सांस्कृतिक कार्यक्रम आयोजना गरेको छ। कार्यक्रममा मुस्ताङबाट आएका कलाकारहरूले विभिन्न जातजातिका भेषभुषामा सजिएर थकाली र गुरुङ भाषामा नृत्य प्रस्तुत गरे।
कार्यक्रममा थकाली, गुरुङ, तामाङ, थारु, नेवार, राई र लिम्बू जातिका सांस्कृतिक झलक प्रस्तुत गरिएको थियो। संघका अध्यक्षले कार्यक्रमको मुख्य उद्देश्य मुस्ताङको सांस्कृतिक कलालाई न केवल स्थानीय स्तरमा, तर राष्ट्रिय स्तरमा चिनाउनु रहेको बताए।
1
कार्यक्रमको उद्घाटन नेपाली सेनाका सहायक रथि गौरव गुरुङले गरेका थिए। कार्यक्रममा मुस्ताङका विशेष व्यक्तित्वहरू पनि उपस्थित थिए।
