कालिकोट । अखिल (समाजवादी) काठमाडौं जिल्ला इन्चार्ज ललिजङ सी ले आज कालिकोटको रास्कोट नगरपालिका–२ स्थित श्री मोतिराम माध्यमिक विद्यालयका कक्षा १० का ७५ जना विद्यार्थीलाई शैक्षिक सामग्री वितरण गरेका छन्।
कार्यक्रममा विद्यालयका सहायक प्रधानाध्यापक धर्मसिंह नाथ योगी, दयाराम सी, अशोक सी, सतल सी, निराजन सी, जेन–जी प्रतिनिधि दिपक शाही, समिर शाहीलगायतको उपस्थिती थियो।
विद्यार्थीहरूबीच बोल्दै ललिजङ सी ले भने, “शिक्षा क्षेत्रमा थुप्रै समस्या छन्, ती विरुद्ध अखिल समाजवादी निरन्तर विद्यार्थीका हकहितका लागि संघर्षरत छ।”
उनले दुर्गम विद्यालयको कमजोर नतिजाको कारण अस्वस्थ राजनीति रहेको उल्लेख गर्दै, सबै मिलेर सुधारको आन्दोलन गर्नुपर्ने बताए।
उनका अनुसार संगठनले देशभर धादिङमा चेपाङ बालबालिकाका लागि विद्यालय निर्माणदेखि आफ्नै वस्त्र उद्योग सञ्चालनसम्मका रचनात्मक काम गर्दै आएको छ।
