“न्याय खोज्दै गएकी बहिनीको भाई प्रहरी थुनामा, पीडक प्रहरीलाई जोगाउने चलखेल !”

“म विवाहित हुँ, दुई छोराछोरी छन् भनेर भनिरहँदा पनि मानबहादुरले मलाई जबर्जस्ती गर्‍यो। पछि ममाथि श्रीमती भन्दै फोटो सार्वजनिक गर्‍यो। मेराे परिवार टुट्ने अवस्थामा पुगेको छ,” पीडित महिलाले भनिन्।

उनी साउन ८ गते आफ्ना दाजुभाइसहित ललितपुर प्रहरी कार्यालय पुगेकी थिइन्। तर प्रहरीहरूले उल्टै मुद्धा दर्ता गर्न आनाकानी गरे, र अन्ततः साउन १२ गते उनका भाईलाई “भिडियो बनाएको” निहुँमा थुनामा हालियो।

पीडितका अनुसार विकको श्रीमती सशस्त्र प्रहरीमा कार्यरत छिन् भने अन्य आफन्तहरू पनि सुरक्षासंस्थामै छन्। यही पहुँचको आडमा मानबहादुरले मुद्धा दर्ता हुन नदिएको आरोप उनी लगाउँछिन्।

पीडित पक्षलाई साथ दिइरहेका पत्रकार कर्ण विश्वकर्मा भन्छन्, “हामीलाई मानवहादुरको भाईले ‘इष्टमित्रको कुरा हो, मिलाऔं’ भने। हामीले मानेनौँ। त्यसपछि हनी ट्रयापको षड्यन्त्र र पैसाको आरोप लगाउने प्रयास गरियो। टेकु प्रहरीबाट समेत फोन आएको छ।”

पीडित महिलाले राज्य संयन्त्रप्रति अपार वेदना व्यक्त गर्दै भनिन्, “म मुद्धा दर्ता गर्न पुगेको हुँ, मलाई साथ दिने मेरो भाई थुनामा छन्। पीडकमाथि कारबाही होइन, मलाई साथ दिनेहरूमाथि षड्यन्त्र भइरहेको छ। यो न्याय होइन। मलाई कानुनी प्रक्रियाबाट न्याय चाहिएको छ।”

यो घटना एउटा पीडित महिलाको मात्र होइन, सम्पूर्ण आमनागरिकको अधिकारमाथिको गम्भीर कुठाराघात हो। यदि अपराध गर्ने प्रहरीको जोगाउने काम प्रहरीले नै गर्छ भने—नागरिक कसका भरोसामा न्याय खोज्ने? राज्यले तुरुन्त निष्पक्ष छानबिन गरि पीडकमाथि अन्याय नगर्नु नै आजको मुख्य माग हो।