भरतपुर, चैत ८ । भरतपुर महानगरपालिका वडा न.२७ निवासी ७० वर्षीय मंगरा महतोलाई ह्विलचेयर प्रदान गरिएको छ । महतो विगत केही वर्षदेखि शारीरिक अशक्तताका कारण चल्न असमर्थ थिए , उहाँलाई नेकपा निकट युवा संगठन भरतपुर महानगरका उपाध्यक्ष सन्तोष सीको पहलमा ह्विलचेयर दिईएको हो ।
आर्थिक अवस्था समेत कमजोर रहेको अवस्थामा उहाँको जीवन केही सहज बनोस् भन्ने उद्देश्यले युवा संगठनका उपाध्यक्ष सन्तोष सी, महिला संगठन भरतपुर महानगर अध्यक्ष सरस्वती सी र किसान संगठन भरतपुर महानगर अध्यक्ष पूर्ण सीको उपस्थितिमा उक्त सहयोग कार्यक्रम सम्पन्न गरिएको हो ।
कार्यक्रममा बोल्दै किसान संगठन अध्यक्ष पूर्ण सीले भनिन, “हामी जनताको सुख-दुःखमा साथ दिन प्रतिबद्ध छौं। सानो सहयोगले पनि कसैको जीवनमा ठूलो परिवर्तन ल्याउन सक्छ भन्ने उदाहरण आजको यो कार्य हो। हामी कम्युनिस्टहरू जनताको सेवक हौं र सदैव सेवामा समर्पित रहन्छौं ।”
युवा संगठनका उपाध्यक्ष सन्तोष सीले यस्ता सहयोग कार्यक्रमलाई निरन्तरता दिइने जानकारी दिनुभयो। कार्यक्रममा स्थानीयवासीहरूको समेत उपस्थिति रहेको थियो ।
