सुनको मूल्यमा आजसम्मकै उच्च, प्रतितोला १ लाख ९१ हजार पुग्यो

काठमाडौं । नेपाली बजारमा आज (सोमबार) सुनको मूल्यले बढेको छ । नेपाल सुनचाँदी व्यवसायी महासंघका अनुसार आज सुन तोलामा १२०० रुपैयाँ बढेको जनाईएको छ । आइतबार १ लाख ८९ हजार ८०० रुपैयाँमा कारोबार भएको सुन आज सोमबार प्रतितोला १ लाख ९१ हजार रुपैयाँ कायम भएको छ । जुन मूल्य आजसम्मकै उच्च हो ।

यस्तै आज चाँदीको मूल्य भने स्थिर रहेको छ । आइतबार तोलामा १ हजार ९६० रुपैयाँ कायम भएको चाँदी आज पनि सोही मूल्यमा किनबेच भइरहेको महासंघले जनाएको छ ।