अजिरकोट । बाटो खन्ने क्रममा ढुङ्गा खसेर यहाँको अजिरकोट गाउँपालिका–१, स्थित चिस्याङमा एक्स्काभेटर चालकको घटना स्थलमै मृत्यु भएको छ।
एक्स्काभेटर चालक तनहुँको आँबुखैरेनी गाउँपालिका–६, घुमाउने घर भएका ४५ वर्षीय रामबहादुर आलेमगरको मृत्यु भएको हो।
बुधबार दिउँसो बा प्र ०६–००१ क ०१३१ नम्बरको एक्स्काभेटरे बाटो खन्दै गर्दा ढुङ्गा खसेर लाग्दा चालकको मृत्यु भएको जिल्ला प्रहरी कार्यालयका प्रहरी नायब उपरीक्षक (डिएसपी) इन्द्रप्रसाद सुवेदीले जानकारी दिए ।
कालिका हाइड्रोपावरको ड्याम जानका लागि नयाँ ट्र्याक खोल्ने क्रममा अचानक माथिबाट ठूलो ढुङ्गा खसेर एक्स्काभेटर र चालकलाई लागेको थियो।
