काठमाडौं। काठमाडौँ उपत्यकामा आज (आइतबार) बिहान ५:४५ बजे मापन गर्दा न्यूनतम तापक्रम ५.० डिग्री सेल्सियस देखिएको मौसम पूर्वानुमान महाशाखाकी मौसमविद् गंगा नगरकोटीले जानकारी दिएका छन् ।
त्यसो त आजको आधिकारिक न्यूनतम तापक्रमका लागि अहिले बिहान ८:४५ बजे पुनः मापन गरिन्छ, त्यतिबेला तापक्रम थोरै घट्ने सम्भावना हुन्छ।
हिजो शनिबार काठमाडौँ उपत्यकाको न्यूनतम तापक्रम ४.५ डिग्री सेल्सियस थियो भने शुक्रबार ३.५ डिग्री सेल्सियस थियो।
यस्तै आज काठमाडौँ उपत्यकाको अधिकतम तापक्रम २० देखि २२ डिग्री सेल्सियससम्म हुने अनुमान गरिएको मौसमविद् नगरकोटीको भनाइ छ।
