कञ्चनपुर, भदौ १० : जिल्ला ट्राफिक प्रहरी कार्यालय कञ्चनपुरमा कार्यालय प्रमुखको नयाँ जिम्मेवारी सम्हालेका इन्सपेक्टर नरेश विकले जिल्लाभर देखिएका पार्किङका समस्या समाधान गर्ने बताएका छन् । आईतबार ट्राफिक प्रहरी कार्यालय महेन्द्रनगरमा आयोजित पत्रकार संग परिचयात्मक कार्यक्रममा इन्सपेक्टर विकले सवारी दुर्घटना न्यूनीकरण र व्यवस्थित गर्न जिल्लाको बजारक्षेत्र महेन्द्रनगर लगायत अन्य ठाउँमा पार्किङका समस्या समाधान गर्ने बताएका हुन् ।
ट्राफिक नियम सम्बन्धी जागरण पैदा गर्न विद्यालयहरुमा अध्ययरत विद्यार्थीसंग सम्पर्क अभियान सञ्चालनमा गर्ने बताएका हुन । विकले सवारी दुर्घटना न्यूनीकरण गर्न विद्यालयहरुमा अध्ययरत विद्यार्थीसंग सम्पर्क अभियान सञ्चालनमा गरिने बताए । विद्यार्थी एउटा सचेत वर्ग भएका कारण पनि विद्यार्थीलाई ट्राफिक नियममहरुको विषयमा ज्ञान अभिवृद्धि गराउने तथा जनचेतनामुलक जागरण अभियान सुरुवात गरिने उनको भनाइ छ ।
यातायात संग सम्बन्धित विभिन्न समस्याको समाधान गर्न स्थानीय तह , यातायात व्यवसायी संघ संगठनहरु लगायत सरोकारवाला निकायसंग छलफल र सहकार्य गरी अगाडि बढ्ने ट्राफिक प्रमुख विकले बताए । उनले भने ,“ यस जिल्लामा छाडा चौपायाहरुका कारण सडकमा दुर्घटनाको जोखिम बढी देखिएकाले यसको नियन्त्रण गर्नका लागि सम्बन्धित स्थानीय तह संग छलफल गरी समस्याको समाधान खोजिने छ ।”
कार्यक्रममा सहभागी मिडियायकर्मिले जिल्ला स्थित रहेका यातायात संग सम्बन्धित विभिन्न समस्याको समाधानका लागि ट्राफिक प्रहरी कार्यालय कञ्चनपुरका प्रमुख विकलाई सुझाव सहितको मनतव्य राखेका थिए ।
