डोटी , असार २२ : डोटीमा विप्लव नेतृत्वको नेपाल कम्युनिस्ट पार्टीले भटमास खेती सुरु गरेको छ । पार्टीको उत्पादन सित जोडिनुपर्ने केन्द्रीय नीति अन्तर्गत जिल्ला पार्टीले पूर्वीचौकी गाउँपालिका ०५ मा करिब ३ रोपनी जमिनमा भटमास लगाउने कार्य गरेको नेकपा डोटीले जनाएको छ ।
नेकपा डोटी जिल्ला इन्चार्ज विमल सी लेआफ्नो पार्टीले डोटीमा भटमास खेती गर्न लागेको बताएका छन । उनले भने , “ करिब ३ रोपनी जमिनमा भटमास लगाउने कार्य सम्पन्न भएको छ र अझै ३/४ रोपनी जग्गामा भटमास लगाउने तयारी हुँदै छ ।” पार्टीले लिएको आत्मनिर्भरताको नीति अन्तर्गत श्रम र उत्पादनलाई बढावा दिने र देशमै रोजगारी सिर्जना गरी युवाहरुको विदेश पलायन रोक्ने योजना रहेको इन्चार्ज विमल बताउँछन । देशमा श्रम संस्कृतिको विकास गरी कृषि खेतीलाई विकास र समृद्धि जोड्नुपर्ने उनको भनाइ छ ।
त्यस्तै नेपाल कम्युनिस्ट पार्टीले यस वर्ष देशै भरी उत्पादन कार्य अगाडि बढाएको छ ।
