काठमाडौं । अमेरिकाको पेन्सिलभेनिया राज्यको फिलाडेल्फिया सहरमा सोमबार गोली हानी चारजनाको हत्या गरिएको छ । प्रहरीका अनुसार घटनामा दुई र १३ वर्षका दुई बालबालिका घाइते भएका छन् ।
मृत्यु हुनेमा सबै पुरुष रहेका छन् । गोली प्रहार गर्ने संदिग्ध बन्दुकधारीलाई हिरासतमा राखिएको छ भने ती व्यक्तिको साथबाट राइफल र ह्यान्डगन बरामद गरिएको छ ।
ती व्यक्तिले बुलेटप्रुफ भेस्ट लगाएको प्रहरीले जनाएको छ । जुलाई ४ अर्थात् मंगलबार अमेरिकाले मनाउने स्वतन्त्रता दिवसको पूर्वसन्ध्यामा यो घटना भएको हो ।
यसअघि,आइतबार मेरिल्यान्डको बाल्टिमोरमा भएको गोलबारीमा दुईजनाको मृत्यु भएको थियो भने २८ जना घाइते भएका थिए । बीबीसीबाट ।
