बैजपुर। राप्ती सोनारी ३ बाट मध्यरातमा ग्रभेल चोर्ने २ वटा टिप्पर र जेसिभी पक्राउ परेका छन् । गएराती राप्ती सोनारी वडा न. ३ बाट ग्रभेल चोर्दै गरेको अवस्थामा प्रहरीले २ वटा टिप्पर र १ जेसिभी पक्राउ गरेको हो ।
मध्य रातमा राप्ती नदीबाट उत्खन्न गरेर ग्रावेल चोरी गर्ने रा १ क १०९५, रा १ क १०९६ नम्बरको टिप्पर र भे १ प १९३८ नम्बरको जेसीभी पक्राउ गरिएको ईलाका प्रहरी कार्यालय धामपुरका इन्चार्ज प्रहरी नायव निरिक्षक प्रविण डाँगीले जानकारी दिएका छन् ।
स्थानीय युवाहरुको सक्रियतामा पक्राउ गरिएको जानकारी दिदै प्रहरी निरीक्षक डाँगीले कारवाहीको लागी राप्ती सोनारी गाउँपालिकाको कार्यालयमा पठाइने वताएका छन् ।
स्थानीय युवाहरुले वताए अनुसार केही ठेकेदारहरुले अगैया देखि लटनिया सम्म निर्माण हुँदै गरेको खड्का निर्माण सेवाको साइडमा ग्राभेल बोक्न लागेका छन् । रातीको समयमा अवैध रुपमा उत्खनन गरेरल चोरी गर्ने जो कोहीलाई कानुन अनुसार कारवाही गर्ने राप्ती सोनारी गाउँपालिका अध्यक्ष तप्त बहादुर पौडेलले वताए ।
पक्राउ परेको टिप्पर र जेसीभि राप्ती सोनारी ३ सिनाबाजमा तटबन्धको काम गर्दै गरेको भाग्य लक्ष्मी मामा जे.भीको रहेको खुलेको छ ।
