रास्वपाद्वारा ५७ समानुपातिक सांसदको नाम सिफारिस: रमेश प्रसाईँ र रीमा विश्वकर्मा अटाए

राष्ट्रिय स्वतन्त्र पार्टी (रास्वपा) ले प्रतिनिधि सभाको ५७ समानुपातिक सिटको अन्तिम नामावली निर्वाचन आयोगमा बुझाएको छ। आइतबार बसेको सचिवालय बैठकले खस-आर्यबाट रमेश प्रसाईँ, जनजातिबाट अनुष्का श्रेष्ठ र दलितबाट रीमा विश्वकर्मासहित ५७ जनाको नाम टुङ्गो लगाएको हो। नामावलीमा ४८ महिला र ९ पुरुष समेटिएका छन्। समावेशी क्लस्टरअनुसार खस-आर्यबाट १७, जनजातिबाट १६, मधेसीबाट ९, दलितबाट ८, थारूबाट ४ र मुस्लिमबाट ३ जना सिफारिस भएका हुन् ।