ललितपुरमा प्रहरीमाथि आक्रमण, १२ जना पक्राउ

ललितपुरका दुई छुट्टाछुट्टै स्थानमा ड्युटीमा खटिएका प्रहरीमाथि साङ्घातिक आक्रमण भएको छ। चाँगाथलीमा गस्ती टोलीमाथि ढुङ्गामुढा प्रहार भएपछि स्थिति नियन्त्रणमा लिन प्रहरीले एक राउण्ड हवाई फायर गरेको थियो। यस्तै, झम्सीखेलमा हो-हल्ला गर्ने समूहलाई सम्झाउन खोज्दा प्रहरीमाथि कुटपिट भएको छ। दुवै घटनामा संलग्न १२ जनालाई प्रहरीले नियन्त्रणमा लिएको छ भने घाइते प्रहरीको किष्ट र अल्का अस्पतालमा उपचार भइरहेको छ। अदालतले पक्राउ परेकाहरूलाई हिरासतमा राखेर अनुसन्धान गर्न अनुमति दिएको छ।