काठमाडौं । नेकपा एकीकृत समाजवादी पार्टीका असन्तुष्ट रामकुमारी झाँक्री, किसान श्रेष्ठलगायतका नेताहरू विनाशर्त एमालेमा फर्किने भएका छन्। उनीहरूले बुधबार पत्रकार सम्मेलनमार्फत एमाले फर्किन आह्वान गर्ने तयारी गरेका छन्। एमाले फर्किने सम्भावित नेताहरूमा झाँक्री, श्रेष्ठ, अम्बरबहादुर थापा, गम्भीरलाल श्रेष्ठ, पीताम्बर तिम्सिना र अर्जुन राई रहेका छन्।
नेता श्रेष्ठका अनुसार झलनाथ खनाल पनि एमाले फर्किने सम्भावना छ। उनले बुधबार एमाले अध्यक्ष केपी शर्मा ओलीसँग भेट गरेका छन्। एमाले निकट महेश बस्नेतका अनुसार ओली–खनालबीचको वार्ता सकारात्मक भएको बताइएको छ।
