बझाङ । गए राति १० बजेर ३ मिनेटमा बझाङ सदरमुकाम चैनपुर आसपास केन्द्र विन्दु बनाएर ४ दशमलव ६ रेक्टरस्केलको भूकम्प गएको छ ।
भूकम्प मापन केन्द्र सुर्खेतका अनुसार,भूकम्पको धक्का बझाङका साथै बाजुरा,अछाम, डडेल्धुरा, बैतडी, दार्चुलालगायत सुदूरपश्चिम प्रदेशका पहाडी जिल्लामा समेत महसुस गरिएको छ । लगातार भूकम्प जान थालेपछि यस प्रदेशका बासिन्दा त्रसित बनेका छन् ।
यसै महिना बझाङ नै केन्द्रविन्दु भएको भूकम्प गएको थियो । जसबाट एकजनाको मृत्यु हुनको साथै करिब १३ जना घाइते भएका थिए । संरचना र सडकसमेत भत्किएका थिए ।
