धनगढी : भदौ १४ गते हुने भनिएको सभा एमसीसी सम्झौता कार्यान्वयनको विषयलाई लिएर मोर्चा घटक दलहरूबीच विवाद उत्पन्न भएपछि अनिश्चितकालका लागि स्थगित भएको समाजवादी मोर्चाको सुदुरपश्चिम प्रदेशको संदेश सभा भोलि मंगलबार हुने भएको छ । कार्यक्रम धनगढी सहिद गेट स्थित सौराई पार्टी प्यालेस हुन लागेको हो ।
सन्देश सभामा समाजवादी मोर्चा निकट चार पार्टीका शीर्ष नेताहरुले सम्बोधन गर्ने जनाइएको छ ।
जिल्ला तहसम्म संगठन विस्तार गर्ने नीति बनाएको मोर्चाले भदौ ८ गतेदेखि मधेश प्रदेशको वीरगञ्जबाट प्रदेशस्तरीय सन्देशसभा गर्दै आएको छ । सोमबार कोशी प्रदेशमा सभा सकिएपछि धनगढीमा सभा गर्ने तयारी भएको नेकपाले जनाएको छ ।
समाजवादी व्यवस्थाको आधार तय गर्ने लक्ष्यसहित गत असार ४ गते माओवादी केन्द्र, एकीकृत समाजवादी, जनता समाजवादी र विप्लव नेतृत्वको नेकपा मिलेर समाजवादी मोर्चा घोषणा भएको थियो ।