काठमाडौं । नेत्रविक्रम सी विप्लव नेतृत्वको नेकपा लगायत चार कम्युनिस्ट पार्टीले एमसीसी कार्यान्वयनविरुद्ध माइतीघरमा प्रदर्शन गरेको छ । देशको हित विपरित रहेको एमसीसी सम्झौता खारेजीको माग गर्दै ४ पार्टीले संयुक्त विरोध जनाएका छन् ।
नेक्रविक्रम चन्द ‘विप्लव’ नेतृत्वको नेपाल कम्युनिष्ट पार्टी,मोहन बैद्य ‘किरण’ नेतृत्वको क्रान्तिकारी कम्युनिष्ट पार्टी नेपाल, ऋषी कटेल नेतृत्वको नेपाल कम्युनिष्ट पार्टी र विश्वभक्त दुलाल ‘आहुती’ नेतृत्वको वैज्ञानिक समाजवादी कम्युनिष्ट पार्टी नेपालका नेता कार्यकर्ता माइतीघरमा भेला भएर एमसीसी विरुद्ध प्रदर्शन गरेका हुन् । विरोध प्रदर्शनमा नेकपाका महासचिव विप्लव, नेता प्रकाण्ड, धर्मेन्द्र बास्तोला, ऋषि कट्टेल लगायत नेताहरुले सम्बोधन गरेका गरेका छन् ।
आजैबाट एमसीसी ५ वर्षका लागि कार्यान्वयनको चरणमा प्रवेश गरेको छ ।
