कञ्चनपुरको भीमदत्त नगरपालिका १० स्थित सिद्धनाथ माध्यामिक विद्यालयमा कार्यरत लेखापाल वीरेन्द्र जोशिमाथी गत भदौ ०३ गते भएको कुटपिटको घटनाले उग्र रुप लिएको छ । कर्मचारी जोशीमाथि भएको सांघातिक आक्रमणले कानुनका मान्य सिद्धान्तको अपहेलना गरिएको भन्दै उच्च अदालत वार एशोसिएशन महेन्द्रनगर अध्यक्ष यज्ञराज जोशी , इमनेष्टी इन्टरनेशनल नेपाल समुह ७४ का सहसचिव प्रजापति नेगी ,एडभोकेसी फोरम नेपाल सु.प. प्रदेश संयोजक वीर बहादुर विष्ट सोमबार एक प्रेस विज्ञप्ति जारी गर्दै दोषीमाथि छानबिन गरी कारबाहीको माग गरेको छ ।
विज्ञप्ति :
३२ साउनमा शिक्षक जोशीमाथि कक्षा १० मा अध्ययनरत छात्राले यौनजन्य दुव्र्यवहार गरेको आरोप लगाएका थिए । सोही आरोपमा ३ भदौँमा विद्यालयमा विद्यार्थीले बिरोध प्रर्दशन एव एकहुलहुज्जल समुहले प्रहरी नियन्त्रणमा रहेका शिक्षक जोशीमाथि निर्घात कुटपिट गरेका थिए । कुटपिटबाट घाईते शिक्षक जोशीको धनगढी स्थित निसर्ग अस्पतालमा उपचार भईरहेको छ ।
हिजो कञ्चनपुरको भीमदत्त नगरपालिकामा शिक्षकहरुले विद्यालय बन्द गरेर नै दोषीमाथि कारबाहीको माग गरेका थिए भने आज भने जिल्लाभर विद्यालय बन्द गरिएको छ । शिक्षकहरुले कञ्चनपुर जिल्ला प्रशासनमा घाइते जोशीको कुटपिटमा संलग्नलाई कारबाहीको माग गर्दै धर्ना दिएका छन् ।
