कञ्चनपुर जिल्लाको महेन्द्रनगरमा हिजो (बिहीबार) बझाङ्गी राजा स्वा.जयपृथ्वी बहादुर सिंहको १४७ औं जन्मजयन्ती मनाइएको छ ।
राष्ट्रिय विभूति मानव अधिकारवादी बझाङ्गी राजा स्वा. जयपृथ्वी बहादुर सिंहको १४७ औं जन्मजयन्ती एक कार्यक्रमका बिच “हाम्रो परम्परा हाम्रो संस्कृति, हाम्रो सुदूरपश्चिम हाम्रो सुन्दर प्रकृति” भन्ने मुल नाराका साथ बझाङ्ग लोक संस्कृति संरक्षण मञ्च कञ्चनपुर र जयपृथ्वी बहादुर सिंह स्मृति प्रतिष्ठान,कञ्चनपुरले संयुक्त रुपमा कार्यक्रमको आयोजना गरिएको जयपृथ्वी बहादुर सिंह स्मृति प्रतिष्ठानका अध्यक्ष वीर बहादुर सिंह ठकुरीले बताउनु भयो।
कार्यक्रममा सभापति बझाङ्ग लोक संस्कृति संरक्षण मञ्च कञ्चनपुरका अध्यक्ष , प्रमुख अतिथि नेपाली कांग्रेस केन्द्रीय सदस्य यज्ञराज जोशी, विशिष्ट अतिथि जिल्ला समन्वय समितीका प्रमुख दुर्गा प्रसाद बोहरा , सुदूरपश्चिम विश्वविद्यालय कानुन संकायका डिन कर्ण थापा लगायतको उपस्थिति रहेको थियो।
उनका अनुसार जन्मजयन्ती कार्यक्रम जिल्ला समन्वय समितिको सभाहल कञ्चनपुरको महेन्द्रनगरमा भाद्र ७ गते बिहीबार दिउँसो १ भब्यताका साथ मनाइएको थियो। उक्त कार्यक्रमको आयोजक बझाङ्ग लोक संस्कृति संरक्षण मञ्च कञ्चनपुर र सह- आयोजक जयपृथ्वी बहादुर सिंह स्मृति प्रतिष्ठान,कञ्चनपुर रहेको छ।
