३१ जेष्ठ २०८१, बिहिबार
३१ जेष्ठ २०८१, बिहिबार

राष्ट्रपति पौडेलद्वारा सर्वदलीय बैठक आह्वानको तयारी

काठमाडौं । राष्ट्रपति रामचन्द्र पौडेलले सर्वदलीय बैठक बोलाउने तयारी गरेका छन् । पाका राजनीतिज्ञ पौडेलले राष्ट्रपतिको जिम्मेवारी सम्हालेपछि पहिलो पटक राष्ट्राध्यक्षको रूपमा सर्वदलीय बैठक बोलाउने तयारी गरेका हुन् ।

संकटपूर्ण अवस्थाहरूमा साझा धारणा वा सहमतिहरू कायम गर्न राष्ट्रपतिले सर्वदलीय बैठकहरू बोलाउने परम्परा रहेको छ । अहिले भने त्यस्तो असाधारण वा संकटपूर्ण अवस्था नै भने छैन । तर, नेकपा एमालेको अवरोधका कारण संसद् भने चल्न सकेको छैन ।

लामो समयदेखि संसद् अवरुद्ध हुँदा अति महत्त्वपूर्ण जनचासोका मुद्दाहरू ओझेलमा परेका छन् । यस पटक राष्ट्रपतिले सर्वदलीय बैठक बोलाउनुको प्रयोजन संसद्को अवरोध हटाउनु रहेको बुझिएको छ ।

साउन १० देखि एमालेको अवरोधले संसद्का दुवै सदन चल्न सकेका छैनन् । साउन २ गते हङकङ हुँदै नेपाल भित्रिएको सुन तस्करीको अनुसन्धान गर्न उच्चस्तरीय छानबिन समिति बनाउनुपर्ने एमाले माग गर्दै आएको छ । तर, सरकारले संसदीय समिति गठन गर्न मानेको छैन ।

भदौ ३ गते प्रतिनिधि सभाको बैठक तय गरिएको छ । तर, एमालेको अडान कायमै रहेका कारण बैठक बस्न सक्ने सम्भावना कम छ । त्यसैले बैठक अघि नै राष्ट्रपतिले समाधान खोज्ने प्रयास गरेका हुन् । सम्भवतः भदौ २ गते बेलुका सम्ममा सर्वदलीय बैठक बस्नेछ ।

राष्ट्रपति पौडेलले यसअघि प्रधानमन्त्री पुष्पकमल दाहाल ‘प्रचण्ड’ र नेकपा एमालेका अध्यक्ष केपी शर्मा ओलीसँग बेग्ला बेग्लै छलफल गरिसकेका छन् । तर, छलफलबाट निकास निस्कन नसकेपछि राष्ट्रपति पौडेलले सर्वदलीय बैठक नै आह्वान गर्न लागेका हुन् ।

यो खबर पढेर तपाईलाई कस्तो महसुस भयो ?
  • खुसी (0%)
  • दुःखी (0%)
  • अचम्मित (100%)
  • हाँस्यास्पद (0%)
  • आक्रोशित (0%)
spot_img
spot_img
spot_img
spot_img
spot_img
spot_img
spot_img
spot_img
spot_img
spot_img
spot_img
spot_img
spot_img
spot_img
spot_img
spot_img
spot_img
प्रतिक्रिया

युग प्रेस डटकम

युग प्रेस डटकममा प्रकाशित सामग्रीबारे कुनै गुनासो, सूचना तथा सुझाव भए हामीलाई yugpress9123@gmail.com मा पठाउन वा ९८४८८६७८३३ फोन गर्न सक्नुहुनेछ ।

सम्बन्धित खबर

सामाजिक संजाल

लाेकप्रिय

भर्खरै

spot_img
spot_img

छुटाउनुभयो कि ?