काठमाडौं । सरकारले अन्तर प्रदेश चल्ने सार्वजनिक सवारी साधनको भाडा बढाएको छ । नेपाल आयल निगमले पेट्रोलियम पदार्थको मुल्य बढाए लगत्तै यातायात व्यवस्था विभागले सार्वजनिक यातायातमा यात्रुबाहक र मालवाहक सवारीको भाडा बढाएको हो ।
तोकिएको नयाँ भाडादर अनुसार अब यात्रुबाहक सवारी साधनको भाडा ४.७० प्रतिशतले वृद्धि भएको छ । पहाडी बाटोमा सञ्चालन हुने मालबाहक सवारी साधनको भाडा ६.१५ प्रतिशत र तराईको बाटोमा सञ्चालन हुने मालबाहक सवारी साधनको मूल्य ६.८३ प्रतिशतले बढेको छ । बढेको भाडादर आजैबाट लागु भएको हो ।
निगमले मंगलबारमात्र पेट्रोलमा प्रतिलिटर ५ रुपैयाँ र डिजेल तथा मट्टीतेलमा प्रतिलिटर १४ रुपैयाँले मुल्य बढाएको छ ।
