काठमाडौ। नेपाली बजारमा आज पहेलो धातु सुनको भाउ घटेको छ । नेपाल सुन चाँदी व्यवसायी महासंघका अनुसार आज (मंगलबार) सुनको भाउ प्रतितोलामा ३ सय रुपैयाँले घटेको हो ।
मंगलबार छापावाल सुनको भाउ प्रतितोला १ लाख १२ हजार १०० रुपैयाँ कायम भएको छ । यसैगरी, तेजावी सुनको भाउ तोलाको १ लाख ११ हजार ५५० रुपैयाँ निर्धारण भएको महासंघले जनाएको छ ।
यसअघि, सोमबार छापावाल सुन १ लाख १२ हजार ४ सय रुपैयाँ कायम रहेको थियो । यसैगरी, तेजावी सुनको भाउ तोलाको १ लाख ११ हजार ८५० रुपैयाँ निर्धारण भएको थियो ।
मंगलबार चाँदीको भाउ पनि तोलामा २५ रुपैयाँले घटेर १४ सय रुपैयाँमा कारोबार भइरहेको छ । सोमबार चाँदीको भाउ प्रतितोला १४ सय २५ रुपैयाँ कायम रहेको थियो ।