काठमाण्डौं : नेकपा निकट विद्यार्थी संगठन अखिल (क्रान्तिकारी) का केन्द्रीय अध्यक्ष प्रकाश सी ले आफ्नो जन्मदिनको अवसरमा वृक्षारोपण गरेका छन् । उनले शनिबार काठमाण्डौको बुढानिलकण्ठ ८ स्थित सार्वजनिक स्थलमा वृक्षारोपण गर्दै आफ्नो जन्मदिन मनाएका हुन् ।
संगठनका नेताकार्यकर्ता सहितको सहभागितामा उनले वृक्षारोपण गरेको जनाएका छन् । उनले गाएको वर्ष आफ्नो जन्मदिनको अवसरमा दाङको एक वृद्धाश्रममा सहयोग गरेका थिए भने २०७३ सालमा दाङ्गको रामपुर बालिम खोलामा बेसहराका वृद्धहरुको लागि घर समेत बनाएका थिए ।
पछिल्लो समय एकदमै भड्किलो तरिकाले रेस्टुरेन्ट र होटलमा गएर जन्मदिन मनाउने चलन रहेको परिवेशमा यसरी सामाजिक कार्यसँग संलग्न भएर यस्ता कार्यक्रम गर्नुले समाजमा सकारात्मक सन्देश जाने उनको विश्वास रहेको छ ।
