आर्जुको नाममा टिक टक बनाउनेलाई कांग्रेस पार्टीको युवा संगठनको यस्तो चेतावनी

काठमाडौं । आरजु राणा देउवाका सन्दर्भमा राजनीतिक पूर्वाग्रह राखी कलाकारहरूले टिकटक बनाएका विषयमा आपत्ति जनाउँदै नेपाली कांग्रेस पार्टीको युवा संगठन तरुण दलले विज्ञप्ति निकालेको छ ।

शुक्रबार दलका अध्यक्ष विद्वान गुरुङले जारी गरेको विज्ञप्तिमा सांसद देउवालाई लक्षित गर्दै कानूनको बर्खिलाफ हुने गरी सामाजिक प्रतिष्ठा, इज्जत एवम् मानमर्यादामा प्रत्यक्ष आँच पुर्‍याउने दुराशय राखी सामाजिक सञ्जालहरूमा प्रसारित तथा प्रचारित झुटा र अनर्गल पोष्टप्रति गम्भीर ध्यानाकर्षण भएको उल्लेख छ ।