कैलाली । अवैध रूपमा क्लिनिक सञ्चालन गरेका चार जना पक्राउ परेका छन् ।
बिहीबार सुदुर पश्चिम प्रदेशकाे सामाजिक विकास मन्त्रालय र जिल्ला प्रहरी कार्यालयकाे संयुक्त टाेलीले धनगढी उपमहानगरपालिका-२ र ३ बाट अवैधरूपमा मेडिकल सञ्चालन गरिरहेका चार जनालाई पक्राउ गरेकाे हाे ।
पक्राउ पर्नेमा धनगढी उपमहानगरपालिका-३ बस्ने एभरेष्ट मेडिकलका सञ्चालक ३० वर्षीय अमर चौधरी, मानवी हाम्रो मेडिकल फार्मेसीका सञ्चालन २५ वर्षीय नवीन धामी ,वडा नम्बर ३ मै सञ्चालन गरिएकाे फारवेष्ट प्याथोलिजीका ३३ वर्षीय दिपक महरा र वडा नम्बर २ मा रहेकाे रेस्मी क्लिनिक फार्मेसीका ७३ वर्षीय गोरख बहादुर श्रेष्ठलाई पनि पक्राउ गरिएको कैलालीका प्रवक्ता प्रहरी नायब उपरीक्षक(डीएसपी) कुलदिप चन्दले बताए ।
उनीहरूले प्रचलित कानुनबमोजिम लिनुपर्ने सञ्चालन अनुमति नलिएको देखिएकाले नियन्त्रणमा लिएर अनुसन्धान भइरहेको प्रहरीले जनाएको छ ।
