काठमाडौं । उपप्रधान तथा गृहमन्त्री नारायणकाजी श्रेष्ठ भोलि चीन भ्रमणमा जाँदैछन् । । उनी चीनको छिन्दुमा हुने एक व्यापार मेलामा सहभागी हुन भोलि मंगलबारचीन जान लागेका हुन् ।
उनको टोलीमा गृह मन्त्रालयका सहसचिवसहित ७ जनको प्रतिनिधित्व रहने जनाइएको छ । मन्त्री श्रेष्ठले आफ्नो चीन भ्रमण लगानी र व्यापार प्रवर्द्धनका लागि हुने बताएका छन् ।
उनले छिन्दु नेपालबाट चीन प्रवेश गर्ने नाका भएकाले पनि आफू सो कार्यक्रममा सहभागी हुनुले आर्थिक समृद्धिको अजेण्डालाई केही राहत मिल्ने र लगानी भित्र्याउन सकिने आश रहेको बताए ।
मन्त्री श्रेष्ठ ४ दिन छेन्दु मा नै रहने, सो क्रममा त्यहाँको विश्वविद्यालयको अवलोकन तथा भ्रमण गर्ने लगायतको कार्यक्रम रहेको छ । चार दिने भ्रमण सकेर उनी शुक्रवार स्वदेश फर्कने छन् ।
