काठमाडौं । आज बस्ने प्रतिनिधि सभा बैठकमा विनियोजन विधेक (बजेट) माथि उठेका प्रश्नको मन्त्रीहरूले जवाफ दिने भएका छन् ।
साथै संघीय संसद् सचिवालयलेका अनुसार बैठकमा उपराष्ट्रपति कार्यालयसम्बन्धी बजेटबारे पनि छलफल पनी हुने भएको छ ।
बिहान १० बजेदेखि सुरु हुने बैठकमा मन्त्रालयगत छलफलका क्रममा सांसदहरूले उठाएका प्रश्नको सम्बन्धित मन्त्रालयका मन्त्रीहरूले जवाफ दिने कार्यसूची रहेको छ ।
बैठकमा गृह,वन तथा वातावरण,महिला,बालबालिका तथा ज्येष्ठ नागरिक,युवा तथा खेलकुद,शहरी विकास,उद्योग,वाणिज्य तथा आपूर्ति,भौतिक पूर्वाधार तथा यातायात र सञ्चार तथा सूचना प्रविधिमन्त्रीले जवाफ दिने कार्यक्रम तय भएको छ ।
