काठमाडौँ । नेपाली समय अनुसार करिब राती ९ बजे देखि सामाजिक सञ्जाल प्लेटफर्म फेसबुक, इन्स्टाग्राम र म्यासेन्जरमा समस्या आएको थियो । प्रयोगकर्ताका आईडीहरु एकाएक लग आउट भएका थिए ।
मातृ कम्पनी मेटाको यी सामाजिक सञ्जाल एपहरु एक्कासी बन्द भएका हुन् । यसो भएसँगै प्रयोगकर्ताहरू अचम्मित भएका थिए ।
उक्त एपहरुबाट प्रयोगकर्ताहरुको अकाउण्ट हाललाई भने लग इन भइरहेका छन् ।
उक्त समस्या नेपालमा मात्रै नभएर अन्य देशमा पनि देखिएको अन्तराष्ट्रिय सञ्चारमाध्यमहरुले जनाएका छन् । तर के कारणले उक्त समस्या हो खुल्न सकेको छैन ।
