मुम्बई । भारतस्थित मध्यप्रदेशको अलिराजपुर जिल्लामा एक आदिवासी परिवारबाट डेढ करोडभन्दा बढी मुल्य अनुमान गरिएको २४० सुनको सिक्का प्रहरीले लुटेको छ ।
यी सिक्काको मूल्य डेढ करोडभन्दा बढी रहेको अनुमान गरिएको छ । सो लुटपाटपछि उनीहरु प्रहरी चौकी फर्केर अवैध रूपमा मदिरा बिक्री गर्नेलाई पक्रन गएको तर कोही पनि नभेटिएको प्रतिवेदन बनाएका थिए ।
यस घटनाको खुलासा भएपछि हाल फरार रहेका ५ प्रहरीलाई निलम्बन गरिएको छ । समाचार अनुसार उत्खननका क्रममा आदिवासीहरूले सुनका सिक्का फेला पारेका थिए। जसलाई पछि आफ्नो घरको जमीनमा लुकाएर राखेका थिए । प्रहरीले यस बारेमा आफ्नो गुप्तचारबाट जानकारी लिएको थियो ।
गुप्तचरबाट जानकारी प्राप्त भए लगत्तै प्रहरी गत जुलाई १९ तारिख त्यहाँ पुगेर आदिबासीको घरबाट सबै सिक्का लिएर फरार भएका थिए ।
जबकि नियमअनुसार ती सिक्का सरकारी कोषमा जम्मा गर्नुपर्ने थियो । तर प्रहरीले सरकारी कोषमा जम्मा गरेनन् ।
सरकारी कोषमा जम्मा नगरेको तथा आदिबासी समूहलाई क्षतिपूर्तिसमेत नदिएको समाचार बाहिरिएपछि ती ५ अभियुक्तलाई निलम्बन गरी अनुसन्धान शुरु गरिएको भारतीय मिडियाले जनाएका छन् ।
